مرحباً بكم فى بلدة جفيفا التاريخية
- الرئيسية
- الاخبار والمدونة
- ابيات قيلت في بلدة جفيفا واهلها قديماَ
ابيات قيلت في بلدة جفيفا واهلها قديماَ
اخبار جفيفا التاريخية هناك العديد من القصائد التي قيلت في فترات قديمة تحاكي تلك الفترة القديمة وقت نزول أهل جفيفا فيها نورد لكم البعض منها . هذي أبيات للشاعر مشل العواجي في تلك الفترة القديمة يقول فيها : يا ركب لا صرتوا جياع ومناكيف… تنحـروا دار التميمـي ذراهــا قصرن بناه […]
اخبار جفيفا التاريخية
هناك العديد من القصائد التي قيلت في فترات قديمة تحاكي تلك الفترة القديمة وقت نزول أهل جفيفا فيها نورد لكم البعض منها .
هذي أبيات للشاعر مشل العواجي في تلك الفترة القديمة يقول فيها :
يا ركب لا صرتوا جياع ومناكيف... تنحـروا دار التميمـي ذراهــا
قصرن بناه مهـوس ٍ للمناكيـف... وأبو سلامه عاونـه فـي بناهـا
سيروا على اللي منزله بالاطاريف... أمشوا على الرجلين يبرى حفاها
ومهوس المذكور في الأبيات السابقة هو مهوس بن رشود بن فرج بن دواس التميمي .
أبيات للشاعر حسن التبيناوي من الدغيرات من شمر
يا قصر ياللي مابك اليوم والـي... حييت يا قصر الندى وين أهاليك
حييت وين مسطريـن العيالـي... اللي يسقون النخل من جوابيـك
مرحوم يا عودٍ تنهض وشالـي... عساك يا مهوس جنانن مداليك
ياللي علومك طبقت بالشمالـي... وبالشام والشمبل وكلن مدح فيك
أبيات أخرى للشاعر مكازي العرهبي الغضوري العنزي , يقول فيها :
عثمان من سماك عثمان ما صـاب...عثمان بن دواس وإلا أنـت خايـب
وإلا أنت ما تورد الرسن كود بحساب... تبي تحلفنـي علـى غيـر صايـب
عثمان ما ينشد عن الماء ولو ساب... ومانن يفجـر بالسهـال الخبايـب
وعثمان ما سكر على ضيفه البـاب...مفتـوح لمـا يشبعـون القـرايـب
وعثمان ينصنه مراكيـب الاجنـاب... قطم الفخـوذ منقرشـات الغرايـب
أيضا هناك أبيات للشاعر فوزان الطابي يقول فيها :
يا هبت النكباء وجاء ذكر ردهان...شلتا شلوتـن بردهـا هزرفانـي
يلقا بها ريف المراميـل عثمـان..عشير ضيفه لا وطـاه الزمانـي
عزك عسى تمطر على دار عثمان...ويركب مع الركاب عشب الدماني
أحب مدحك يا فنى قـرح الظـان...لا بركن عنـد الهليـم السمانـي
دلى يزهب يوم شاف الدهر شـان...زودٍ على تقليط رخـم الصيانـي
وعزي لمتعب كان هو مات عثمان...يا ما يشوف من الجفا والهوانـي
وللطابي أيضا هذه الأبيات :
واونتي ونة عصافيـر لوقـان...بكا الاثالـي ساكناتـن جباهـا
بالفقر ما شافن عصافير عثمان...بين الحلى والحمر حين استواها
غرساتهم غيد و زرع و رمـان...يكذبه الحاكي على اللي حكاهـا
ويشبع من الحره إليا خشم رمان...وبكسارة المسعر يضمن عشاها
حدوده عيال مفيد طلقين الايمان...تمايمه عيو علـى مـن بغاهـا
وان شاء الله نورد لكم المزيد لاحقا
جميع الحقوق محفوظه بلدة جفيفا التاريخية © 2020
تطوير وتصميم مسار كلاود